الكاتب: أحمد بكرى سليم

أحب أعرفكم بنفسى أنا( ياسر سبرتو)... اشتهرت فى المنطقة بالاسم ده، عشان كيفى سبرتو، وعمر ما الأزازة مافرقت إيدي ابدا، ابدا.. أقولكم على أبويه و أمى الحقيقيين، ولا أبويه وأمى اللى ربوني؟ لأ.. أبويه و أمى الحقيقين الأول... أبويه سيد الدكر وأمى نوال ولا أقولكم..نونا.. فتاة ليل.. بقت قوادة.. حبته.. آه حبته.. بلطجى وسوابق وابن ليل.. بس حبته..حملت منه فى الحرام وخلفتنى، باست إيديه ورجليه عشان يتجوزها، بس رفض فى الأخر، مانتوا عارفين نهاية الحرام مش أد كده.. مشيت فى يوم تايهة، مش عارفة تروح فين!!!! ولا عارفة تودينى فين!!! نفسها تمحينى من الوجود.. قرفت من حياتها، و منى.. رمتنى فى صفيحة زبالة عند منشية ناصر.